方皓玟、吴业坤担任「饑馑大使」 以行动关爱叙利亚难民Mis

2020-07-13  阅读 943 次 作者:

你知你有多幸福吗?好多朋友同Miss Sunny一样,生活喺繁荣富庶嘅香港,偶尔会喺新闻上知道叙利亚等国家战争嘅消息,未曾想像过大批难民因战火而逃离家园嘅苦况。今年4月6号举行嘅「饑馑30」将全力支援呢班逃离叙利亚、南苏丹和缅甸若开邦冲突嘅难民儿童及家庭,改善佢哋嘅生活。「饑馑大使」方皓玟、吴业坤、叱咤903急急子和锺雪较早前更远赴约旦探访当地叙利亚难民。呢班被遗忘嘅难民好需要我哋用行动支持,所以Sunny已经约埋一班朋友参加嚟紧举行嘅「饑馑30」,正所谓「心善则美」,大家一齐参加啦!

(Presented By 世界宣明会)

「饑馑30」全力支援饥饿难民

唔讲唔知,全球仍然有约4.9亿人要捱饿,仲要受到战火冲突嘅威胁。长年战火唔单止摧毁无数家庭,倖存者更要连日捱饿徒步到邻近国家,试谂吓难民孩子喺无瓦遮头嘅荒野生活,无水无粮,生活有几艰难?今年「饑馑30」以「饿着行,撑难民」做主题,为一班逃离叙利亚、南苏丹同缅甸若开邦冲突嘅难民筹款。善款会用嚟支持世界宣明会推行粮食保障、水利卫生及生计改善项目。

方皓玟、吴业坤担任「饑馑大使」  以行动关爱叙利亚难民Mis
4位「饑馑大使」方皓玟、吴业坤、叱咤903急急子和锺雪首次进入难民营,学习用阿拉伯语讲「Hello」!
方皓玟、吴业坤约旦探访当地难民

今年「饑馑大使」方皓玟、吴业坤、叱咤903急急子同锺雪喺2月底一齐前往约旦,探访住喺当地嘅叙利亚难民儿童及家庭,聆听难民故事。

方皓玟、吴业坤担任「饑馑大使」  以行动关爱叙利亚难民Mis
「饑馑大使」喺难民营内嘅宣明会「健康厨房」帮手预备午餐。现时当地有8个「健康厨房」,为3万多儿童提供午餐,同时为难民提供工作机会。
方皓玟、吴业坤担任「饑馑大使」  以行动关爱叙利亚难民Mis
方皓玟、吴业坤与叙利亚难民小朋友合奏,同唱歌曲《Baby Shark》。另外,坤哥仲喺约旦宣明会「儿童天地」唱出《阳光点的歌》,与难民儿童一起合唱「I say 1 2 3 4,You say 1 2 3 4」,场面愉快又温馨。
方皓玟、吴业坤担任「饑馑大使」  以行动关爱叙利亚难民Mis
南苏丹持续内战令逾400万人失去家园,破坏生计,现时境内超过520万人面对粮食危机。
方皓玟、吴业坤担任「饑馑大使」  以行动关爱叙利亚难民Mis
缅甸若开邦在2017年8月爆发冲突,令逾92万人成为难民,栖身喺孟加拉科克斯巴札尔(Cox’s Bazar),该处係现时全球最庞大嘅难民营。
方皓玟、吴业坤担任「饑馑大使」  以行动关爱叙利亚难民Mis
「饿着行」路段途经香港仔水塘,景色优美。完成后有穿梭巴士接载参加者返回香港仔运动场参与其他体验活动。
即刻报名参加「饑馑30」撑难民

你都想参加「饑馑30」,支持呢班难民?咁就要Mark低日子,活动喺4月6号喺香港仔运动场出发。今次形式与以往唔同,参加者要自行喺4月5号下午1点开始饑馑,然后4月6号上午11点集合于香港仔运动场「饿着行」,一齐空肚出走,喺山野亲身感受难民捱饿逃难嘅苦况。完成6公里行程后将有穿梭巴士接载参加者返回活动场地参与难民体验活动、「饑馑之旅」分享环节及闭幕礼。

活动详情

日期及时间:「饿着行」- 4月6日 (星期六);「自行饑馑」- 由4月5日下午1时开始

地点:香港仔运动场 > 南风道 > 金夫人驰马径 > 香港仔水塘道 > 香港仔运动场

内容:行山6公里、难民体验活动、「饑馑之旅」分享环节及闭幕礼

想知更多几位「饑馑大使」今次旅程嘅体验分享,以及报名详情,即刻Click去 http://bit.ly/wvhk-wew30hf

上一篇:
下一篇: